‘A nosa terra é nosa e non de Fenosa!’
Dito popular, acuñado polos veciños das Encrobas cando a compañía eléctrica Fenosa, protexida por un decreto franquista, pretendeu botalos das súas terras. Esta empresa instalou, tamén coa conivencia do réxime, unha torre de alta tensión na croa do castro de Elviña. Todo isto aconteceu pouco antes de que o castro coruñés fose declarado BIC (Ben de Interese Cultural). Unha posterior sentenza do contencioso administrativo pedíalle a Fenosa que retirase a torre. Na actualidade, dita torre fica no seu emprazamento orixinal.
O castro de Elviña, polo seu interese singular, foi catalogado polo Concello da Coruña (1985) como antigo asentamento habitado, con murallas pétreas, cabanas de distinta tipoloxía (circulares e rectangulares) e fonte-alxibe de características romanizadas.
Xoán Busquets, redactor da revisión do Plan Xeral de Ordenación Urbanística Municipal (PXOM) da Coruña, solicitou a eliminación no castro da torre de alta tensión de Fenosa, salientando a inconveniencia de manter unha gran torre eléctrica en metade dun castro de interese histórico e turístico en fase de recuperación (por certo, moi lenta). Pola súa parte, Xosé María Bello Diéguez, director do Museo Arqueolóxico da Coruña, entende que o impacto que a torre exerce sobre o visitante é negativo e sinala a ilegalidade da instalación da torre no castro, «dado que naquel momento, o asentamento achábase xa en proceso de recoñecemento como monumento histórico nacional, cualificación que acadou en 1962».
Dito popular, acuñado polos veciños das Encrobas cando a compañía eléctrica Fenosa, protexida por un decreto franquista, pretendeu botalos das súas terras. Esta empresa instalou, tamén coa conivencia do réxime, unha torre de alta tensión na croa do castro de Elviña. Todo isto aconteceu pouco antes de que o castro coruñés fose declarado BIC (Ben de Interese Cultural). Unha posterior sentenza do contencioso administrativo pedíalle a Fenosa que retirase a torre. Na actualidade, dita torre fica no seu emprazamento orixinal.
O castro de Elviña, polo seu interese singular, foi catalogado polo Concello da Coruña (1985) como antigo asentamento habitado, con murallas pétreas, cabanas de distinta tipoloxía (circulares e rectangulares) e fonte-alxibe de características romanizadas.
Xoán Busquets, redactor da revisión do Plan Xeral de Ordenación Urbanística Municipal (PXOM) da Coruña, solicitou a eliminación no castro da torre de alta tensión de Fenosa, salientando a inconveniencia de manter unha gran torre eléctrica en metade dun castro de interese histórico e turístico en fase de recuperación (por certo, moi lenta). Pola súa parte, Xosé María Bello Diéguez, director do Museo Arqueolóxico da Coruña, entende que o impacto que a torre exerce sobre o visitante é negativo e sinala a ilegalidade da instalación da torre no castro, «dado que naquel momento, o asentamento achábase xa en proceso de recoñecemento como monumento histórico nacional, cualificación que acadou en 1962».
