Chegan os autobuses ao mitin do PP
SEAGA mobilízase.
A garda civil protexe os intereses do PP.
Traballadores de SEAGA, S.A.
esixiron en Silleda solucións
Coincidindo co mitin de Rajoy e Feijóo, traballadores de SEAGA mobilizáronse o pasado sábado 26 de setembro para esixir unha solución aos seus problemas laborais: «traballo en precario e eventualidade». Segundo información dos mobilizados, máis de 2.000 persoas desta sociedade pública descoñecen o seu futuro laboral. Con tan só «cinco traballadores fixos», áchase en precario, dado que «as encomendas para as que estamos contratados finalizan o 31 de decembro».
«O BNG nos explotou e o PP nos despide», afirman os traballadores de SEAGA. Os mobilizados prestan servizos na empresa realizando tarefas de extinción e prevención de incendios tanto no verán coma no inverno, así como outras labores relacionadas co agro (identificación de vacún e ovino-cabrún, enquisas de hixiene de produción primaria, vacinación e toma de mostras de lingua azul, asistencias técnicas, etcétera).
Adscrita á Consellería do Medio Rural, a empresa Servizos Agrarios Galegos, S.A. (SEAGA) creouse en 2006 «para a realización, como medio propio da Administración galega, e ao seu servizo, de todo tipo de actuacións, obras, traballos e prestación de servizos en materias forestais, especialmente relacionados coa prevención e loita contra os incendios forestais, en particular e, en xeral, intervencións de carácter urxente relacionadas cos lumes forestais».
Con todo, na súa web http://www.epseaga.com, SEAGA continúa a ofertar distintos postos de traballo (sobre todo, técnicos). [Fotografías de CLELIA ZUCCA]
Coincidindo co mitin de Rajoy e Feijóo, traballadores de SEAGA mobilizáronse o pasado sábado 26 de setembro para esixir unha solución aos seus problemas laborais: «traballo en precario e eventualidade». Segundo información dos mobilizados, máis de 2.000 persoas desta sociedade pública descoñecen o seu futuro laboral. Con tan só «cinco traballadores fixos», áchase en precario, dado que «as encomendas para as que estamos contratados finalizan o 31 de decembro».
«O BNG nos explotou e o PP nos despide», afirman os traballadores de SEAGA. Os mobilizados prestan servizos na empresa realizando tarefas de extinción e prevención de incendios tanto no verán coma no inverno, así como outras labores relacionadas co agro (identificación de vacún e ovino-cabrún, enquisas de hixiene de produción primaria, vacinación e toma de mostras de lingua azul, asistencias técnicas, etcétera).
Adscrita á Consellería do Medio Rural, a empresa Servizos Agrarios Galegos, S.A. (SEAGA) creouse en 2006 «para a realización, como medio propio da Administración galega, e ao seu servizo, de todo tipo de actuacións, obras, traballos e prestación de servizos en materias forestais, especialmente relacionados coa prevención e loita contra os incendios forestais, en particular e, en xeral, intervencións de carácter urxente relacionadas cos lumes forestais».
Con todo, na súa web http://www.epseaga.com, SEAGA continúa a ofertar distintos postos de traballo (sobre todo, técnicos). [Fotografías de CLELIA ZUCCA]
